16. Editioun

👤 Wien kann matmaachen?

Du kanns matmaachen, wann s du:

• tëschent 12 an 25 Joer al bass,
• zu Lëtzebuerg wunns.

❌ Net matmaache kënnen:

• Persounen, déi schonn en Diplom am audiovisuelle Beräich hunn,
• déi schonn an dësem Beräich schaffen.

💡 Du däerfs dech vu Leit aus dem sozialen oder edukative Beräich ënnerstëtze loossen.

🏆 Wann s du schonn eemol den 1. Präis an dëser Kategorie  gewonnen hues, kanns du net nach eng Kéier an dëser Kategorie matmaachen.

🎬 Deng Challenge

Schreif däin eegent Dréibuch!

Deng Geschicht kann iwwer alles goen, wat s du wëlls – mee et gëtt eng speziell Aufgab:

🔊 Dëst Geräisch muss am Mëttelpunkt vun denger Geschicht stoen. Sound Crème Fraîche 16 Editioun

Looss dech vun dësem Geräisch inspiréieren: 

Looss deng Kreativitéit spillen an entwéckel eng Geschicht ronderëm dëse Klang.

📋 Wat muss däi Dréibuch erfëllen?

✅ Maximal 4 Säiten

✅ Maximal 1 Dréiuert
(Deng ganz Geschicht spillt op nëmmen enger Plaz.)

✅ Maximal 2 Personnagen

✅ E bestëmmt Geräisch steet am Zentrum vun der Geschicht
(D'Geräisch soll eng wichteg Roll spillen an net just am Hannergrond sinn.)

📄 Wat muss um Deckblatt stoen?

• 👤 Däin Numm
• 📧 Deng Kontaktinformatiounen

⚠️ Wichteg Reegelen

Däin Dréibuch muss däin eegent Wierk sinn a däerf net géint d'Auteursrechter verstoussen.

❌ Dréibicher, déi:

• Gewalt verherrlechen,
• Haass oder Intoleranz verbreeden,
• oder pornografesch Inhalter enthalen,

ginn aus dem Concours ausgeschloss.

⛔No der Asendeschluss-Deadline kënnen Dréibicher net méi zeréckgezunn oder geännert ginn.

🎬 Wéi ginn d'Gewënner gewielt?

Eng onofhängeg Jury entscheet.

D'Jury besteet aus:

• maximal 5 Jonken

Si bewäerten all ageschéckte Dréibicher a bestëmmen déi 3 Gewënner.

📅 Wichteg Datumer

⏰ Asendeschluss:
8. Februar 2027 um 23:59 Auer

🎬 Crème Fraîche Event & Präisiwwerreechung:
6. Mäerz 2027 um 14:30 Auer

📍 Am Kinepolis Kirchberg

Vill Spaass beim Schreiwen! ✍️🎬✨ 

👤 Wien kann matmaachen?

Du kanns matmaachen, wanns du:

• tëschent 16 an 30 Joer al bass,
• zu Lëtzebuerg wunns.

🎬 Anescht wéi an deenen anere Kategorien däerfen hei och Jonker matmaachen, déi:

• en Diplom am audiovisuelle Beräich hunn,
• oder schonn an dësem Beräich schaffen.

🏆 Wann s du schonn eemol den 1. Präis an dëser Kategorie  gewonnen hues, kanns du net nach eng Kéier an dëser Kategorie matmaachen.

📝 Deng Challenge

Schreiw däin eegent Zenario!

D'Thema ass komplett fräi. Egal ob Drama, Komedie, Krimi, Sci-Fi oder Action – du entscheeds, wéi eng Geschichts du erziele wëlls.

📋 Wat muss däi Zenario erfëllen?

✅ Maximal 9 Säiten

✅ Erlaabt Sproochen:

• Lëtzebuergesch
• Däitsch
• Franséisch
• Englesch

✅ Maximal 3 Schauspiller*innen

✅ Eng Logline op der éischter Säit:
Dat ass e kuerze Resumé vun denger Geschicht an engem eenzege Saz. Si soll direkt op der éischter Säit gutt ze gesi sinn.

📄 Wat muss um Deckblatt stoen?

• 👤 Däin Numm
• 📧 Deng Kontaktinformatiounen

⚠️ Wichteg Reegelen

Däi Zenario muss däin eegent Wierk sinn a däerf net géint d'Auteursrechter verstoussen.

❌ Zenarioen, déi:

• Gewalt verherrlechen,
• Haass oder Intoleranz verbreeden,
• oder pornografesch Inhalter enthalen,

ginn aus dem Concours ausgeschloss.

⛔No der Asendeschluss-Deadline kënnen Zenarioen net méi zeréckgezunn oder geännert ginn.

🎬 Wéi ginn d'Gewënner gewielt?

Eng onofhängeg Jury entscheet.

D'Jury besteet aus:

• 3 Jonken
• 3 Professionellen aus dem Filmsecteur

Si bewäerten all ageschéckte Zenarioen a bestëmmen déi 3 Gewënner.

🏆 Wat kanns du gewannen?

De beschte Zenario gëtt vum Centre national de l'audiovisuel (CNA) an dem Service national de la jeunesse (SNJ) ënner professionelle Konditioune verfilmt.

🎥 Dat bedeit:

• Däi Skript gëtt zu engem richtege Film.
• D'Organisateuren decidéieren, wien de Film realiséiert.
• D'Zenario kann, wann néideg, fir d'Produktioun ugepasst ginn.

📣 D'Gewënner ginn um Crème Fraîche Event annoncéiert.

📜 Wat geschitt mam Gewënner-Zenario?

Wann däi Zenario déi éischt Plaz gewënnt, ginn d'Rechter fir d'professionell Verfilmung un d'Organisateuren iwwerdroen.

Dat erlaabt hinnen:

• de Film ze produzéieren,
• d'Geschicht unzepassen,
• ze verëffentlechen,
• ze weisen an ze verdeelen.

✍️ Deng moralesch Rechter bleiwen awer erhalen. Dat heescht:

• Du bleifs als Auteur*in genannt.
• Deng Aarbecht däerf net op eng respektlos oder ofwäertend Aart verännert ginn.

Dës Reegel gëllt nëmme fir eng professionell Verfilmung an/oder eng kulturell oder edukativ Diffusioun vum Film.

📅 Wichteg Datumer

⏰ Asendeschluss:
8. Februar 2027 um 23:59 Auer

🎬 Crème Fraîche Event & Präisiwwerreechung:
6. Mäerz 2027 um 14:30 Auer

📍 Am Kinepolis Kirchberg

Vill Gléck beim Schreiwen! ✍️🎬✨